אגרת פטרוס השניה
פרק ג

הבטחת בואו של המשיח

1 אֵת֩ הָֽאִגֶּ֨רֶת הַשֵּׁנִ֤ית הַזֹּאת֨ אֲהוּבִ֔ים אֲנִ֛י כֹּתֵ֥ב לָכֶ֖ם עָ֑תָּה אֲשֶׁ֣ר בָּהֵ֗ן אֲנִ֧י מְעוֹרֵ֛ר בְּהַזְכָּרָ֖ה אֶת־רֽוּחֲכֶ֥ם הַתָּמִֽים ׃ 2 לְמַ֣עַן תִּזְכְּר֗וּ אֶת־הַדְּבָרִים֨ הַנֶּֽאֱמָרִ֣ים מִקֶּ֔דֶם בְּפִ֖י הַנְּבִיאִ֣ים הַקְּדוֹשִׁ֑ים וְאֶ֨ת־מִצְוָתֵ֔נוּ שְׁלִיחֵ֖י הָֽאָד֥וֹן וְהַמּוֹשִֽׁיעַ ׃ 3 בְּדַעְתְּכֶ֥ם זֹ֖את בָּרִֽאשׁוֹנָ֑ה כִּ֣י יָב֜וֹאוּ בְּאַֽחֲרִ֤ית הַיָּמִים֨ לֵצִ֔ים הַמִּתְהַלְּכִ֖ים כְּפִ֥י תַֽאֲוֽוֹתֵיהֶֽם ׃ 4 וְאֹ֣מְרִ֔ים אַיֵּ֖ה הַבְטָחַ֣ת בִּֽיאָת֑וֹ כִּ֗י מֵאָז֨ יָֽשְׁנ֣וּ הָֽאָב֔וֹת כָּל־הַדְּבָרִ֛ים מַתְמִידִ֥ים כָּ֖כָה מֵֽרֵאשִׁ֥ית הַבְּרִיאָֽה ׃ 5 כִּ֣י נִכְחָדָ֥ה זֹ֛את מֵהֶ֖ם בִּרְצוֹתָ֑ם כִּ֤י הַשָּׁמַ֨יִם֨ הָי֣וּ מִקֶּ֔דֶם וְהָאָ֣רֶץ מִמַּ֔יִם וְעַל־יְדֵ֥י מַ֛יִם קַיֶּ֖מֶת בִּדְבַ֥ר הָֽאֱלֹהִֽים ׃ 6 אֲשֶׁ֣ר עַל־יְדֵיהֶ֗ם הַתֵּבֵ֞ל אֲשֶׁ֥ר אָז֨ הָֽיְתָ֔ה בְּהִשָּֽׁטְפָ֥הּ בְּמַ֖יִם אָבָֽדָה ׃ 7 אַ֗ךְ הַשָּׁמַ֨יִם אֲשֶׁ֤ר עַתָּה֨ וְהָאָ֔רֶץ אֲצוּרִ֣ים הֵ֔ם בְּעֶ֖צֶם הַדָּבָ֣ר הַה֑וּא שְׁמוּרִ֤ים לָאֵשׁ֨ עַל־י֣וֹם הַמִּשְׁפָּ֔ט וְאָבְדַ֖ן הָֽאֲנָשִׁ֥ים הָֽרְשָׁעִֽים ׃ 8 אַ֚ךְ זֹ֣את אַחַ֔ת אַל־תִּכָּחֵ֥ד מִכֶּ֖ם אֲהוּבִ֑ים כִּי֩ י֨וֹם אֶחָ֗ד אֵ֤צֶל יְהֹוָה֨ כְּאֶ֣לֶף שָׁנִ֔ים וְאֶ֥לֶף שָׁנִ֖ים כְּי֥וֹם אֶחָֽד ׃ 9 אֵ֣ין מְאַחֵ֤ר יְהֹוָה֨ עַל־דְּבַ֣ר הַֽהַבְטָחָ֔ה כַּֽאֲשֶׁ֛ר אֲחָדִ֥ים חֹֽשְׁבִ֖ים לְאִח֑וּר כִּ֣י אִם־ה֞וּא מַֽאֲרִ֥יךְ ר֨וּחַ֨ אֵלֵ֔ינוּ וְאֵינֶ֤נּוּ חָפֵץ֨ כִּי־יֹֽאבְד֣וּ אֲחָדִ֔ים כִּ֛י אִם־הַכֹּ֥ל יָב֖וֹאוּ לִתְשׁוּבָֽה ׃ 10 אַ֥ךְ יָב֛וֹא י֥וֹם יְהֹוָ֖ה כְּגַנָּ֣ב בַּלָּ֑יְלָה אֲשֶׁר־בּ֞וֹ הַשָּׁמַ֣יִם ׀ בְּשׁוֹאָ֣ה יַֽעַבְר֗וּ וְהַיְסֹדוֹת֨ בְּיָקְדָ֣ם יִמַּ֔סּוּ וְהָאָ֗רֶץ וְהַפְּעָלִ֛ים אֲשֶׁ֥ר בָּ֖הּ יְשֹׂרָֽפוּ ׃ 11 לָכֵ֕ן בַּֽאֲשֶׁ֥ר כָּל־אֵ֖לֶּה יִמַּ֑סּוּ אֵי־זֶ֣ה אֲנָשִׁ֗ים צְרִיכִ֤ים אַתֶּם֨ לִהְי֔וֹת בְּהִתְהַלְּכ֥וּת קְדוֹשָׁ֖ה וּבְיִרְאַ֥ת אֱלֹהִֽים ׃ 12 מְקַוִּ֣ים וּמְמַֽהֲרִ֔ים אֶת־בִּיאַ֖ת י֣וֹם הָֽאֱלֹהִ֑ים אֲשֶׁר־בּ֗וֹ הַשָּׁמַ֜יִם בְּהִצָּֽרְפָ֤ם בָּאֵשׁ֨ יִמַּ֔סּוּ וְהַיְסֹד֥וֹת בְּיָקְדָ֖ם יִזּֽוֹלוּ ׃ 13 אַךְ֩ שָׁמַ֨יִם חֲדָשִׁ֜ים וְאֶ֧רֶץ חֲדָשָׁ֛ה כְּפִ֥י הַבְטָֽחָת֖וֹ אֲנַ֣חְנוּ מְקַוִּ֑ים אֲשֶׁר־בָּ֖ם צְדָקָ֥ה שֹׁכָֽנֶת ׃ 14 לָכֵ֣ן אֲהוּבִ֔ים בְּקַוּֽוֹתְכֶ֖ם אֶת־אֵ֑לֶּה חִרְצ֞וּ לְהִמָּצֵ֣א לְפָנָ֔יו בִּבְלִ֥י כֶ֛תֶם וּבִבְלִ֥י שִׁמְצָ֖ה בְּשָׁלֽוֹם ׃ 15 וְאֵ֨ת אֹ֥רֶךְ ר֛וּחַ אֲדֹנֵ֖ינוּ לִתְשׁוּעָ֣ה חֲשֹׁ֑בוּ כַּֽאֲשֶׁ֞ר גַּ֤ם פָּאוּל֨ אָחִ֣ינוּ הָֽאָה֔וּב כְּפִ֧י הַֽחָכְמָ֛ה הַנִּתָּנָ֥ה ל֖וֹ כָּתַ֥ב אֲלֵיכֶֽם ׃ 16 כַּֽאֲשֶׁר֨ גַּ֣ם בְּכָל־אִגְּרוֹתָ֔יו בְּדַבְּר֣וֹ בָהֵ֔ן עַל־אֹד֖וֹת הַדְּבָרִ֣ים הָאֵ֑לֶּה אֲשֶׁ֣ר בָּהֵ֡ן יֵשׁ֩ דְּבָרִ֨ים אֲחָדִ֜ים קָשִׁ֣ים לַבִּינָ֗ה אֲ֠שֶׁר לֹֽא־מְלֻמָּדִ֨ים וְלֹֽא־קַיָּמִ֜ים מְעַקְּשִׁ֣ים אֹתָ֗ם כְּמ֥וֹ גַ֛ם אֶת־שְׁאָ֥ר הַכְּתָבִ֖ים לְאָבְדָנָֽם ׃ 17 לָכֵן֨ אַתֶּ֣ם הָֽאֲהוּבִ֔ים בְּדַעְתְּכֶ֖ם מִקֶּ֑דֶם הִשָּֽׁמְר֣וּ לָכֶ֗ם פֶּן־תֻּסְּע֤וּ גַם־אַתֶּם֨ בִּתְע֣וּת הָֽרְשָׁעִ֔ים וְתִפְּל֖וּ מִן־הַקִּיּ֥וּם שֶׁלָּכֶֽם ׃ 18 אַ֣ךְ גִּדְל֔וּ בְּחֵ֗ן וּבְדַ֧עַת אֲדֹנֵ֛ינוּ וּמֽוֹשִׁיעֵ֖נוּ יֵשׁ֣וּעַ הַמָּשִׁ֑יחַ ל֣וֹ הַכָּב֗וֹד גַּ֥ם עַתָּ֛ה וּלְי֥וֹם עוֹלָ֖ם אָמֵֽן ׃