לפרק הקודם

אגרת שאול אל הקולוסים
פרק ב

שרותו של שאול למען הקהילה -- המשך

1 כִּ֞י אֲנִ֣י חָפֵץ֘ אֲשֶׁ֣ר תֵּֽדְעוּ֒ מָה֩ רַבָּ֨ה הַמִּלְחָמָ֜ה אֲשֶׁ֤ר יֵֽשׁ־לִי֨ בַּֽעֲבֽוּרְכֶ֔ם וּבַֽעֲב֥וּר אֵ֖לֶּה אֲשֶׁ֣ר בְּלָֽאוֹדִֽקִיָּ֑א וְכָל־אֵ֕לֶּה אֲשֶׁ֛ר לֹֽא־רָא֥וּ אֶת־פָּנַ֖י בַּבָּשָֽׂר ׃ 2 לְמַ֨עַן יְנֻֽחֲמ֤וּ לִבּֽוֹתֵיהֶם֨ וִֽישֻׁלְּב֣וּ בְאַֽהֲבָ֔ה וְאֶ֥ל כָּל־עֹ֛שֶׁר מְלֹ֥א בִטְחַ֖ת הַתְּבוּנָ֑ה אֶל־הַכָּרַ֨ת ס֧וֹד הָֽאֱלֹהִ֛ים הָאָ֖ב וְהַמָּשִֽׁיחַ ׃ 3 אֲשֶׁר־בּ֗וֹ כָּל־אֹֽצְר֧וֹת הַֽחָכְמָ֛ה וְהַדַּ֖עַת נִסְתָּרִ֥ים הֵֽם ׃ 4 וְזֹ֖את אֲנִ֣י אֹמֵ֑ר לְ֠מַעַן לֹֽא־יְרַמֶּ֥ה אֶתְכֶ֛ם אִ֖ישׁ בְּאִמְרֵ֥י פִתּֽוּי ׃ 5 כִּ֗י גַּ֤ם אִם־בַבָּשָׂר֨ בִּלְתִּֽי־נֹכָ֣ח אֲנִ֔י אַ֥ךְ בָּר֖וּחַ עִמָּכֶ֣ם אָ֑נִי שָׂמֵ֗חַ וְרֹאֶה֨ אֶת־סִדְרְכֶ֔ם וְאֶת־חֹ֖זֶק אֱמֽוּנַתְכֶ֥ם בַּמָּשִֽׁיחַ ׃

כל המלוא במשיח

6 לָכֵ֗ן כַּֽאֲשֶׁ֧ר קִבַּלְתֶּ֛ם אֶת־הַמָּשִׁ֥יחַ יֵשׁ֖וּעַ הָֽאָד֑וֹן כֵּ֖ן הִתְהַלְּכ֥וּ בֽוֹ ׃ 7 מָשְׁרָשִׁ֤ים וְנִבְנִים֨ בּ֔וֹ וּמְקֻיָּמִ֥ים בָּֽאֱמֽוּנָ֖ה כַּֽאֲשֶׁ֣ר לֻמַּדְתֶּ֑ם מַעְדִּיפִ֥ים בָּ֖הּ בְּתוֹדָֽה ׃ 8 רְא֗וּ פֶּן־יִהְיֶ֥ה אִישׁ֨ שֹׁלֵ֣ל אֶתְכֶ֔ם עַל־יְדֵ֥י פִֽילוֹסֽוֹפִיָּ֖א וְהַדָּ֣חַת הָ֑בֶל כְּפִ֣י ׀ מְסֹרַ֣ת הָֽאֲנָשִׁ֗ים כְּפִי֨ עִקְּרֵ֣י הָֽעוֹלָ֔ם וְלֹ֖א כְּפִ֥י הַמָּשִֽׁיחַ ׃ 9 כִּ֣י ב֥וֹ שֹׁכֵ֛ן כָּל־מְלֹ֥א הָֽאֱלֹה֖וּת גּֽוּפִיּֽוּת ׃ 10 וְאַתֶּ֖ם בּ֣וֹ נִמְלָאִ֑ים אֲשֶׁ֥ר ה֛וּא רֹ֥אשׁ כָּל־שְׂרָרָ֖ה וְשָׁלְטָֽן ׃ 11 אֲשֶׁ֥ר בּוֹ֨ גַּ֣ם נִמַּלְתֶּ֔ם בַּמּוּלָ֖ה בְּלִֽי־עֲשׂוּיַ֣ת יָדָ֑יִם בְּהַפְשָׁטַ֗ת גְּוִיַּת֨ חַטּ֣אוֹת הַבָּשָׂ֔ר בְּמוּלַ֖ת הַמָּשִֽׁיחַ ׃ 12 בְּהִקָּֽבֶרְכֶ֥ם עִמּ֖וֹ בַּטְּבִילָ֑ה אֲשֶׁ֨ר בָּ֜הּ גַּ֣ם ׀ הֽוּקַמְתֶּ֣ם עִמּ֗וֹ עַל־יְדֵ֤י אֱמוּנַת֨ פְּעֻלַּ֣ת הָֽאֱלֹהִ֔ים אֲשֶׁ֛ר הֵקִ֥ים אֹת֖וֹ מֵעִ֥ם הַמֵּתִֽים ׃ 13 וְאֶתְכֶ֞ם הַמֵּתִ֤ים בַּפְּשָׁעִים֨ וּבְעָרְלַ֣ת בְּשַׂרְכֶ֔ם הֶֽחֱיָ֖ה יַ֣חַד עִמּ֑וֹ כְּסָלְח֥וֹ לָכֶ֖ם אֵ֥ת כָּל־הַפְּשָׁעִֽים ׃ 14 כִּמְחוֹתוֹ֩ אֶת־כְּתַ֨ב הַיָּ֜ד אֲשֶׁ֤ר נֶגְדֵּ֨נוּ֨ בַּפִּקּוּדִ֔ים אֲשֶׁ֛ר הָיָ֥ה צוֹרֵ֖ר לָ֑נוּ וְנָשָׂ֤א אֹתוֹ֨ מִן־הַתָּ֔וֶךְ בְּתָקְע֥וֹ אֹת֖וֹ אֶל־הַצְּלָֽב ׃ 15 וּכְהַפְשִׁיט֤וֹ אֶת־הַשְּׂרָרוֹת֨ וְאֶת־הַשָּׁלְטָנִ֔ים שָׂמָ֥ם לָֽרֳאִ֖י בְּגָל֑וּי וְהִתְרוֹנֵ֥ן עֲלֵיהֶ֖ם בְּעַצְמֽוֹ ׃ 16 לָכֵ֞ן אַל־יִשְׁפֹּ֤ט אֶתְכֶם֨ אִ֔ישׁ בְּאֹ֖כֶל א֣וֹ בְמַשְׁקֶ֑ה א֤וֹ בִּדְבַ֣ר מוֹעֵ֔ד א֛וֹ רֹ֥אשׁ חֹ֖דֶשׁ א֥וֹ שַׁבָּתֽוֹת ׃ 17 אֲשֶׁ֥ר הֵ֖מָּה צֵ֣ל הָֽעֲתִיד֑וֹת אַ֥ךְ הַגְּוִיָּ֖ה לַמָּשִֽׁיחַ ׃ 18 אַל־יַסִּ֥יג אִישׁ֙ אֶת־כֶּ֣תֶר נִצְּחֽוֹנְכֶ֔ם הָֽרֹצֶ֛ה בְּשִׁפְל֥וּת ר֖וּחַ וּבַֽעֲבוֹדַ֣ת הַמַּלְאָכִ֑ים הַֽחֹדֵ֤ר בַּדְּבָרִים֨ אֲשֶׁ֣ר לֹֽא־רָאָ֔ה הֶ֣בֶל נָפ֔וּחַ מֵאֵ֖ת תְּבוּנַ֥ת בְּשָׂרֽוֹ ׃ 19 וּבִלְתִּ֥י אֹחֵ֖ז אֶת־הָרֹ֑אשׁ אֲשֶׁ֣ר מִמֶּ֡נּוּ כָּל־הַ֠גְּוִיָּה הַמְּכֻלְכֶּ֜לֶת וְהַמְּשֻׁלֶּ֣בֶת יַ֗חַד עַל־יְדֵ֤י הַפְּרָקִים֨ וְהָֽאֲגֻדּ֔וֹת גְּדֵלָ֖ה גִּדּ֥וּל הָֽאֱלֹהִֽים ׃

חיים חדשים באיחוד עם המשיח

20 לָכֵ֗ן אִ֥ם מַתֶּ֛ם עִם־הַמָּשִׁ֖יחַ מֵֽעִקְּרֵ֣י הָֽעוֹלָ֑ם לָ֗מָּה כְּמוֹ֨ חַיִּ֣ים בָּֽעוֹלָ֔ם אַתֶּ֥ם נִכְנָעִ֖ים לְפִקּוּדִֽים ׃ 21 אַל־תֹּאחַ֥ז אַל־תִּטְעַ֖ם אַל־תִּגָּֽע ׃ 22 אֲשֶׁ֥ר כֻּלָּ֛ם לְשַׁ֖חַת בַּתַּשְׁמִ֑ישׁ כְּפִ֛י מִצְוֹ֥ת הָֽאֲנָשִׁ֖ים וְלִמּֽוּדֵיהֶֽם ׃ 23 אֲשֶׁ֣ר הֵ֡ם אָמְנָם֩ יֵ֨שׁ לָהֶ֜ם מַרְאֵ֣ה ׀ א֣וֹת חָכְמָ֗ה בַּֽעֲבֹדַ֤ת רָצוֹן֨ וּבְשִׁפְל֣וּת ר֔וּחַ וּבִבְלִ֥י חֶמְלָ֖ה עַ֣ל הַגְּוִיָּ֑ה לֹ֛א בְּאֵי־זֶ֥ה כָב֖וֹד לְשָׂבְעַ֥ת הַבָּשָֽׂר ׃

לפרק הבא








להפעלת המסגרות
load frameset