אגרת שאול אל הקולוסים
פרק ד

יחסים בין בני אדם בחיים החדשים -- המשך

1 הָ֣אֲדֹנִ֔ים הָפִ֧יקוּ אֶל־עַבְדֵיכֶ֛ם אֵ֥ת הַיָּשָׁ֖ר וְאֵ֣ת הַשָּׁוֶ֑ה בְּדַעְתְּכֶ֗ם כִּ֚י גַּ֣ם אַתֶּ֔ם יֵֽשׁ־לָכֶ֥ם אָד֖וֹן בַּשָּׁמָֽיִם ׃

בקשות אחרונות ודרישות שלום

2 בַּתְּפִלָּ֖ה הַתְמִ֑ידוּ וְשִׁקְד֥וּ בָ֖הּ בְּתוֹדָֽה ׃ 3 וְהִתְפַּלְל֞וּ כְּמוֹ־כֵן֘ גַּ֣ם בַּֽעֲדֵנוּ֒ לְמַעַן֩ יִפְתַּ֨ח הָֽאֱלֹהִ֥ים לָ֨נוּ֨ דֶּ֣לֶת הָאֹ֔מֶר לְדַבֵּ֖ר אֶת־ס֣וֹד הַמָּשִׁ֑יחַ אֲשֶׁ֣ר בִּגְלָל֔וֹ גַּ֖ם אָס֥וּר אָֽנִי ׃ 4 לְמַ֨עַן֨ אֲגַלֶּ֣ה אֹת֔וֹ כַּֽאֲשֶׁ֛ר צָרִ֥יךְ לִ֖י לְדַבֵּֽר ׃ 5 בְּחָכְמָ֥ה הִתְהַלְּכ֖וּ לְנֶ֣גֶד הַחִֽיצוֹנִ֑ים וּפְד֖וּ אֶת־הָעֵֽת ׃ 6 יְהִ֨י דְבַרְכֶ֥ם תָּמִ֛יד בְּחֵ֖ן מְרֻקָּ֣ח בְּמֶ֑לַח לָדַ֗עַת אֵ֛יךְ צָרִ֥יךְ לָכֶ֖ם לַֽעֲנ֥וֹת לְכָל־אִֽישׁ ׃ 7 אֵ֚ת אֲשֶׁ֣ר אֹֽדוֹתִ֔י הַכֹּ֕ל יוֹדִ֥יעַ לָכֶ֖ם טֽוּכִק֑וֹס הָאָ֤ח הָֽאָהוּב֨ וּמְשָׁרֵ֣ת נֶֽאֱמָ֔ן וַֽחֲבֵ֥ר עֲבוֹדָ֖ה בָּֽאָדֽוֹן ׃ 8 אֲשֶׁ֨ר שָׁלַ֤חְתִּי אֹתוֹ֨ אֲלֵיכֶ֔ם לְעֶ֖צֶם הַדָּבָ֣ר הַזֶּ֑ה לְמַ֣עַן יֵדַ֗ע אֵ֚ת אֲשֶׁ֣ר אֹדֽוֹתֵיכֶ֔ם וִֽינַחֵ֖ם אֶת־לִבּֽוֹתֵיכֶֽם ׃ 9 עִ֣ם אוֹנֵֽסִמ֗וֹס הָאָ֤ח הַנֶּֽאֱמָן֨ וְהָֽאָה֔וּב אֲשֶׁ֥ר ה֖וּא מִכֶּ֑ם אֶת־הַכֹּל֨ יוֹדִ֣יעוּ לָכֶ֔ם אֵ֖ת הַנִּהְי֥וֹת פֹּֽה ׃ 10 אָֽרִסְטַרְכ֞וֹס חֲבֵ֣ר מַֽאֲסָרִי֘ שֹׁאֵ֣ל לִשְׁלֽוֹמְכֶם֒ וּמַרְקוֹס֨ בֶּן־אֲח֣וֹת בַּר־נַבָּ֔א אֲשֶׁ֥ר אֹֽדוֹתָ֖יו לְקַחְתֶּ֣ם פְּקוּד֑וֹת אִם־יָב֥וֹא אֲלֵיכֶ֖ם קַבְּל֥וּ אֹתֽוֹ ׃ 11 וְיֵשׁ֨וּעַ֨ הַנִּקְרָ֣א יוּסְט֔וֹס אֲשֶׁ֥ר הֵ֖ם מִבְּנֵ֣י הַמּוּלָ֑ה אֵ֣לֶּה לְבַדָּ֗ם חַבְרֵ֤י עֲבֽוֹדָתִי֨ אֶל־מַלְכ֣וּת הָֽאֱלֹהִ֔ים אֲשֶׁ֛ר נִהְי֥וּ לִ֖י לְנֶֽחָמָֽה ׃ 12 שֹׁאֵ֣ל לִשְׁלֽוֹמְכֶ֗ם אֶפַּפְרַ֛ס אֲשֶׁ֥ר מְכֶּ֖ם עֶ֣בֶד הַמָּשִׁ֑יחַ תָּמִ֞יד ה֣וּא נִלְחָ֤ם בַּֽעַדְכֶם֨ בַּתְּפִלּ֔וֹת לְמַ֤עַן תַּֽעַמְדוּ֨ שְׁלֵמִ֔ים וְנִמְלָאִ֕ים בְּכֹ֖ל רְצ֥וֹן הָֽאֱלֹהִֽים ׃ 13 כִּי֩ מֵעִ֨יד אֲנִ֜י עָלָ֗יו כִּ֣י יֵ֥שׁ ל֛וֹ קִנְאָ֥ה רַבָּ֖ה לָכֶ֑ם וְלָאֵ֨לֶּה֨ אֲשֶׁ֣ר בְּלָֽאוֹדִֽקִיָּ֔א וְלָאֵ֖לֶּה אֲשֶׁ֥ר בְּהֵֽרַפּוֹלִֽיס ׃ 14 שֹׁאֵ֣ל לִשְׁלֽוֹמְכֶ֗ם לוּקַ֧ס הָֽרֹפֵ֛א הָֽאָה֖וּב וְדֶמַֽס ׃ 15 שַֽׁאֲל֣וּ לְשָׁל֔וֹם אֶת־הָֽאַחִ֖ים אֲשֶׁ֣ר בְּלָֽאוֹדִֽקִיָּ֑א וְאֶ֨ת־נוּמְפַ֔ס וְאֶת־הַקְּהִלָּ֖ה אֲשֶׁ֥ר בְּבֵיתֽוֹ ׃ 16 וְכַֽאֲשֶׁ֨ר נִקְרְאָ֣ה הָֽאִגֶּרֶת֘ בֵּֽינֵיכֶם֒ הָסֵ֗בּוּ כִּ֛י גַּ֥ם תִּקָּרֵ֖א בִּקְהִלַּ֣ת הַלָּֽאוֹדִֽקִיִּ֑ים וְכִ֤י גַם־אַתֶּם֨ תִּקְרְא֔וּ אֵ֖ת אֲשֶׁ֥ר מִלָּֽאוֹדִֽקִיָּֽא ׃ 17 וְאִמְר֖וּ אֶל־אַרְכִפּ֑וֹס רְאֵ֣ה אֶת־הַשֵּׁר֗וּת אֲשֶׁ֤ר לָקַ֨חְתָּ֨ בָּֽאָד֔וֹן כִּ֥י תְמַלֵּ֖א אֹתָֽהּ ׃ 18 שְׁאֵלַ֥ת שָׁל֛וֹם בְּיָדִ֖י יַ֣ד פָּא֑וּל זִכְרוּ֨ אֶת־מ֣וֹסְרוֹתַ֔י הַחֵ֥ן עִמָּכֶ֖ם אָמֵֽן ׃