לאגרת שאול השניה אל טימותיאוס

אגרת שאול אל טיטוס
פרק א

1 פָּאוּ֨ל עֶ֣בֶד אֱלֹהִ֔ים וּשְׁלִ֖יחַ יֵשׁ֣וּעַ הַמָּשִׁ֑יחַ כְּפִ֗י אֱמוּנַת֨ בְּחִירֵ֣י אֱלֹהִ֔ים וְהַכָּרַ֣ת הָֽאֱמֶ֔ת אֲשֶׁ֥ר הִ֛יא כְּפִ֖י יִרְאַ֥ת אֱלֹהִֽים ׃ 2 בְּתִקְוַ֖ת חַיֵּ֣י עֽוֹלָמִ֑ים אֲשֶׁ֤ר הִבְטִ֨יחַ֨ הָֽאֱלֹהִ֣ים בִּלְתִּֽי־מְכַזֵּ֔ב לִפְנֵ֖י עִתּ֥וֹת עוֹלָֽם ׃ 3 וְגִלָּ֧ה בְעִתּוֹתָ֛יו אֶת־דְּבָר֖וֹ עַל־יְדֵ֣י הַקְּרִיאָ֑ה אֲשֶׁר֨ הָפְקְדָ֣ה אִתִּ֔י כְּפִ֛י מִצְוַ֥ת הָֽאֱלֹהִ֖ים מֽוֹשִׁיעֵֽנוּ ׃ 4 אֶל־טִיטוֹס֨ בְּנִ֣י הַזָּ֔ךְ כְּפִ֖י הָֽאֱמוּנָ֣ה הַכְּלָלִ֑ית חֵ֣ן רַֽחֲמִ֞ים וְשָׁל֗וֹם מֵאֵת֨ הָֽאֱלֹהִ֣ים הָאָ֔ב וְהָֽאָד֛וֹן יֵשׁ֥וּעַ הַמָּשִׁ֖יחַ מֽוֹשִׁיעֵֽנוּ ׃

פעולתו של טיטוס בכריתים

5 בַּֽעֲב֣וּר זֹ֔את עֲזַבְתִּ֖יךָ בִּקְרֵטָ֑א לְמַ֨עַן תְּתַקֵּ֜ן אֶת־הַדְּבָרִ֣ים הַנֶּֽעֱזָבִ֗ים וְתַפְקִ֤יד זְקֵנִים֨ בְּעִ֣יר וָעִ֔יר כַּֽאֲשֶׁ֥ר אֲנִ֖י מִנֵּ֥יתִי לָֽךְ ׃ 6 אִם־יִהְיֶ֥ה אִישׁ֨ בִּבְלִ֣י שִׁמְצָ֔ה בַּ֖עַל אִשָׁ֣ה אֶחָ֑ת וְיֵ֨שׁ ל֜וֹ בָּנִ֣ים נֶֽאֱמָנִ֗ים אֲשֶׁ֨ר אֵ֤ין עֲלֵיהֶם֨ שִׂטְנַ֣ת זֽוֹלְל֔וּת א֖וֹ בִּלְתִּ֥י נִכְנָעִֽים ׃ 7 כִּ֣י ׀ רֹ֣אשׁ הַמּוֹרִ֗ים צָרִ֥יךְ לִהְי֛וֹת בִּבְלִ֥י שִׁמְצָ֖ה כְּסוֹכֵ֣ן אֱלֹהִ֑ים לֹא֩ רָצ֨וּי לְנַפְשׁ֜וֹ לֹ֣א כַֽעֲסָ֗ן לֹ֚א סוֹבֵ֣א יַ֔יִן לֹ֚א בַּ֣עַל מַכּ֔וֹת לֹ֛א בֹּצֵ֖עַ בֶּ֥צַע רָֽע ׃ 8 כִּ֛י אִם־אֹהֵ֥ב אֹֽרְחִ֖ים אֹהֵ֣ב ט֑וֹב נִזָּ֛ר צַדִּ֥יק טָה֖וֹר כֹּבֵ֥שׁ אֶת־הַיֵּֽצֶר ׃ 9 מַֽחֲזִ֛יק בַּדָּבָ֥ר הַנֶּֽאֱמָ֖ן כְּפִ֣י הַלֶּ֑קַח לְמַעַן֩ תִּהְיֶ֨ה בִֽיכָלְתּ֜וֹ גַּ֤ם לְהַזְהִיר֨ בַּלֶּ֣קַח הַשָּׁלֵ֔ם גַּ֥ם לְהוֹכִ֖יחַ אֶת־הַמִּתְנַגְּדִֽים ׃ 10 כִּ֣י ׀ יֵ֣שׁ רַבִּ֗ים דֹּֽבְרֵ֥י שָׁ֛וְא בִּלְתִּ֥י נִכְנָעִ֖ים וּמַתְעִ֑ים וּבְיוֹתֵ֕ר הֵ֖ם אֲשֶׁ֥ר מִן־הַמּוּלָֽה ׃ 11 אֲשֶׁ֛ר צָרִ֥יךְ לַחְסֹ֖ם אֶת־פִּיהֶ֑ם הַהֹֽפְכִים֨ בָּתִּ֣ים תְּמִימִ֔ים בְּלַמְּדָ֗ם דְּבָרִים֨ אֲשֶׁ֣ר לֹ֣א יְלֻמְּד֔וּ בַּֽעֲב֖וּר בֶּ֥צַע רָֽע ׃ 12 אָמַ֞ר אִ֤ישׁ אֶחָד֨ מֵהֶ֔ם נָבִ֖יא אֲשֶׁ֣ר לָהֶ֑ם הַקְּרֵטִים֨ תָּמִ֣יד מְכַזְּבִ֔ים חַיּ֥וֹת רָע֖וֹת בְּטָנִ֥ים עֲצֵלֽוֹת ׃ 13 הָֽעֵד֥וּת הַזֹּ֖את הִ֣יא אֱמֶ֑ת וּבַֽעֲב֣וּר זֹ֗את הוֹכֵ֤חַ אֹתָם֨ בְּחָזְקָ֔ה לְמַ֥עַן יִשְׁלְמ֖וּ בֶּֽאֱמוּנָֽה ׃ 14 וְלֹ֣א יַקְשִׁ֔יבוּ אֶל־שְׁמוּע֥וֹת הֶ֖בֶל הַיְּהוּדִ֑ים וְאֶל־מִצְוֹ֥ת אֲנָשִׁ֖ים הַנֶּהְפָּכִ֥ים מִן־הָֽאֱמֶֽת ׃ 15 כָּל־דָּבָ֖ר טָה֣וֹר לַטְּהוֹרִ֑ים אַ֞ךְ לַמְּטֻמָּאִ֣ים וּלְבִלְתִּי־מַֽאֲמִינִ֗ים אֵ֤ין דָּבָר֨ טָה֔וֹר כִּ֧י אִם־מְטֻמָּאִ֛ים גַּ֥ם רוּחָ֖ם גַּ֥ם רַעְיוֹנָֽם ׃ 16 הֵ֤ם מוֹדִים֨ לָדַ֣עַת אֶת־הָֽאֱלֹהִ֔ים אַ֣ךְ בְּמַֽעֲשִׂ֔ים הֵ֥ם מְכַֽחֲשִׁ֖ים בּ֑וֹ בִּהְיוֹתָ֤ם מְתֹֽעָבִים֨ וּמֹרִ֔ים וּלְכָל־מַֽעֲשֶׂ֥ה ט֖וֹב נִמְאָסִֽים ׃

לפרק הבא








להפעלת המסגרות
load frameset