1 לָכֵ֖ן אַתָּ֣ה בְנִ֑י הִתְחַזֵּ֣ק בַּחֵ֔ן אֲשֶׁ֖ר בַּמָּשִׁ֥יחַ יֵשֽׁוּעַ ׃ 2 וְהַדְּבָרִ֞ים אֲשֶׁ֤ר שָׁמַ֨עְתָּ֨ מִמֶּ֔נִּי עַל־פִּ֖י עֵדִ֣ים רַבִּ֑ים אֶת־אֵ֤לֶּה מְסֹר֨ לַֽאֲנָשִׁ֣ים נֶֽאֱמָנִ֔ים אֲשֶׁר֨ יִהְי֣וּ סֹֽפְקִ֔ים לְלַמֵּ֖ד גַּ֥ם אֲחֵרִֽים ׃ 3 לָכֵ֣ן ׀ אַתָּ֔ה סְבֹ֖ל רָ֑ע כְּאִ֤ישׁ צָבָא֨ ט֔וֹב אֲשֶׁ֖ר לְיֵשׁ֥וּעַ הַמָּשִֽׁיחַ ׃ 4 אֵ֥ין אִישׁ֨ צֹבֵ֣א צָבָ֔א הַמְּסֻבָּ֖ךְ בְּעִסְקֵ֣י הַֽחַיִּ֑ים לְמַ֣עַן יֵֽרָצֶ֔ה אֶל־הַבֹּחֵ֥ר אֹת֖וֹ לְאִ֥ישׁ צָבָֽא ׃ 5 וְגַ֛ם אִם־נִלְחָ֥ם אִ֖ישׁ לֹ֣א יְעֻטָּ֑ר אִם־לֹ֥א יִלָּחֵ֖ם כְּפִ֥י הַחֹֽק ׃ 6 הָֽאִכָּ֣ר הָֽעֹבֵ֔ד צָרִ֥יךְ הוּא֨ בָּרִֽאשׁוֹנָ֔ה לָקַ֥חַת חֵ֖לֶק בַּפֵּרֽוֹת ׃ 7 הִתְבּוֹנֵ֕ן אֵ֛ת אֲשֶׁ֥ר אֲנִ֖י אֹמֵ֑ר כִּ֠י יִתֵּ֨ן לְךָ֧ יְהֹוָ֛ה תְּבוּנָ֖ה בַּכֹּֽל ׃ 8 זְכֹ֞ר אֶת־יֵשׁ֣וּעַ הַמָּשִׁ֗יחַ הַקָּ֨ם מֵעִ֧ם הַמֵּתִ֛ים מִזֶּ֥רַע דָּוִ֖ד כְּפִ֥י בְשֽׂוֹרָתִֽי ׃ 9 אֲשֶׁ֣ר בָּ֗הּ אֲנִ֨י סוֹבֵ֥ל רָ֛ע עַ֥ד אֲסוּרִ֖ים כִּפֹעֵ֣ל אָ֑וֶן אַ֛ךְ דְּבַ֥ר הָֽאֱלֹהִ֖ים אֵינֶ֥נּוּ אָסֽוּר ׃ 10 בַּֽעֲב֣וּר זֹ֗את אֲנִ֥י סֹבֵ֛ל הַכֹּ֖ל בַּֽעֲב֣וּר הַבְּחִירִ֑ים לְ֠מַעַן גַּם־הֵ֜מָּה יַשִּׂ֣יגוּ אֶת־הַתְּשׁוּעָ֗ה אֲשֶׁר֨ בַּמָּשִׁ֣יחַ יֵשׁ֔וּעַ עִ֖ם כְּב֥וֹד עוֹלָֽם ׃ 11 נֶֽאֱמָ֖ן הַדָּבָ֑ר כִּ֚י אִם־מַ֣תְנוּ עִמּ֔וֹ גַּ֖ם נִחְיֶ֥ה עִמּֽוֹ ׃ 12 אִ֚ם אֲנַ֣חְנוּ סֹֽבְלִ֔ים גַּ֖ם נִמְלֹ֣ךְ עִמּ֑וֹ אִ֤ם אֲנַ֨חְנוּ֨ מְכַֽחֲשִׁ֣ים בּ֔וֹ גַּ֥ם ה֖וּא יְכַחֵ֥שׁ בָּֽנוּ ׃ 13 אִ֚ם אֵינֶ֣נּוּ מַֽאֲמִינִ֔ים ה֖וּא יַתְמִ֣יד נֶֽאֱמָ֑ן כַּחֵ֥שׁ בְּעַצְמ֖וֹ לֹ֥א יוּכָֽל ׃
14 אֶת־אֵ֖לֶּה הַזְכִּירֵ֑ם בְּהָעִיד֩ לִפְנֵ֨י יְהֹוָ֜ה לְבִלְתִּ֨י יָרִ֤יבוּ בְמִלִּים֨ לְלֹ֣א תוֹעֶ֔לֶת לְמַהְפֵּכַ֖ת הַשֹּֽׁמְעִֽים ׃ 15 חֲרַ֗ץ לְהַצִּ֧יג אֶת־עַצְמְךָ֛ בָּח֖וּן לִפְנֵ֣י הָֽאֱלֹהִ֑ים פֹּעֵ֣ל לֹֽא־יֵב֔וֹשׁ הַמְּחַלֵּ֥ק בְּיֹ֖שֵׁר אֶת־דְּבַ֥ר הָֽאֱמֶֽת ׃ 16 אַ֗ךְ מִשִּׂיח֛וֹת חֹ֥ל וָרִ֖יק הִנָּזֵ֑ר כִּ֥י יַצְלִ֛יחוּ ע֥וֹד יוֹתֵ֖ר לָרָֽשַׁע ׃ 17 וּדְבָרָ֖ם כַּֽחֲלוּדָ֣ה יְאַכֵּ֑ל אֲשֶׁ֥ר מֵהֶ֖ם הוּמֵֽנֶא֥וֹס וּפִֽילֵטֽוֹס ׃ 18 אֲשֶׁ֞ר עַל־אֹד֤וֹת הָֽאֱמֶת֨ תָּע֔וּ בְּאָמְרָ֕ם כִּ֥י הַתְּקוּמָ֖ה כְּבָ֣ר נִהְיָ֑תָה וְהֹֽפְכִ֖ים אֱמוּנַ֥ת אֲחָדִֽים ׃ 19 אוּלָ֗ם יְס֨וֹד הָֽאֱלֹהִ֤ים ׀ הֶֽחָזָק֨ עֹמֵ֔ד בִּהְי֥וֹת ל֖וֹ הַֽחוֹתָ֣ם הַזֶּ֑ה יוֹדֵ֨עַ יְהֹוָ֜ה אֵ֣ת ׀ אֲשֶׁר־ל֣וֹ הֵ֗ם וְיָסוּר֨ מֵֽעָוֹ֔ן כֹּ֥ל הַקֹּרֵ֖א אֶת־שֵׁ֥ם הַמָּשִֽׁיחַ ׃ 20 אַךְ֩ בְּבַ֨יִת גָּד֜וֹל יֵ֗שׁ לֹ֣א לְבַ֞ד כְּלֵ֤י זָהָב֨ וְכֶ֔סֶף כִּ֥י אִם־גַּ֛ם כְּלֵ֥י עֵ֖ץ וְחָ֑רֶשׂ וְאֵ֥לֶּה לְכָב֖וֹד וְאֵ֥לֶּה לְקָלֽוֹן ׃ 21 לָכֵ֗ן אִם־אִ֛ישׁ יְטַהֵ֥ר אֶת־נַפְשׁ֖וֹ מֵאֵ֑לֶּה יִהְיֶ֞ה כְּלִ֣י לְכָב֗וֹד מְקֻדָּשׁ֨ וּמוֹעִ֣יל לָֽאָד֔וֹן לְכָל־מַֽעֲשֶׂ֥ה ט֖וֹב מוּכָֽן ׃ 22 אַ֥ךְ בְּרַ֖ח מִתַּֽאֲוֹ֣ת הַנְּעוּרִ֑ים וּרְדֹ֞ף צְדָ֤קָה ׀ אֱמוּנָה֨ אַֽהֲבָ֣ה ׀ שָׁל֔וֹם עִם־הַקֹּֽרְאִ֥ים אֶל־הָֽאָד֖וֹן מִלֵּ֥ב טָהֽוֹר ׃ 23 אַ֗ךְ מִשְּׁאֵל֥וֹת סִכְל֛וּת וְנִבְעָר֖וֹת הִשָּׁאֵ֑ל בְּדַעְתְּךָ֕ כִּ֛י הֵ֥נָּה מֽוֹלִיד֖וֹת מְרִיבֽוֹת ׃ 24 וְעֶ֣בֶד יְהֹוָ֔ה אֵ֛ין רָא֥וּי ל֖וֹ לָרִ֑יב כִּ֤י אִם־לִהְיוֹת֨ מִתְחַסֵּ֣ד לַכֹּ֔ל לַמָּ֖ד וְסֹבֵ֥ל רָֽע ׃ 25 ומְיַסֵּ֥ר בַּֽעֲנָוָ֖ה אֶת־הַמִּתְנַגְּדִ֑ים א֠וּלַי יִתֵּ֨ן לָהֶ֧ם הָֽאֱלֹהִ֛ים תְּשׁוּבָ֖ה לְהַכָּרַ֥ת הָֽאֱמֶֽת ׃ 26 וּלְמַ֛עַן יָקִ֥יצוּ ע֖וֹד מִמּוֹקֵ֣שׁ הַשָּׂטָ֑ן אֲשֶׁ֛ר נִשְׁבּ֥וּ מִמֶּ֖נּוּ לִרְצוֹנֽוֹ ׃
לפרק הבא